1.2 -The Complete Diabetes Solution Program မှာ ဘာတွေ သင်ယူလေ့လာခွင့်ရမှာလဲ?
ဆီးချိုထိန်းချုပ်မှု ကောင်းစေဖို့သာမက စိတ်ရောကိုယ်ပါ ကျန်းမာစေရေးအတွက် အရေးပါတဲ့ အာဟာရ၊ ကိုယ်လက်လှုပ်ရှားမှု၊ စိတ်ပိုင်းဆိုင်ရာ တည်ငြိမ်မှု၊ ပညာပေးအစီအစဉ်တွေနဲ့ ပိုမိုကောင်းမွန်တဲ့ ဘဝနေထိုင်မှုပုံစံတခုကို လေ့လာနိုင်မှာဖြစ်ပါတယ်။
၁။ တဦးချင်းစီအတွက် သီးသန့် အာဟာရကုထုံး (Personalised Medical Nutrition Therapy – MNT)
- အာဟာရဆရာဝန်က သင့်ရဲ့ကျန်းမာရေးအခြေအနေ၊ အသက်၊ ကိုယ်အလေးချိန်၊ နေ့စဉ်လှုပ်ရှားမှု၊ dietary habits စတာတွေအပေါ်မူတည်ပြီး အသင့်တော်ဆုံး အစားအသောက်ပုံစံကို သီးသန့်တွက်ချက်ရေးဆွဲပေးပါမယ်။
၂။ ဆီးချိုဆိုင်ရာ ပြည့်စုံတဲ့အသိပညာ (Comprehensive Diabetes Education)
- ဆီးချိုရောဂါ၊ နောက်ဆက်တွဲဆိုးကျိုးများနဲ့ အာဟာရအကြောင်းကို အခြေခံကျကျ နားလည်စေဖို့ သင်ကြားပေးပါမယ်။
၃။ မိမိကိုယ်ကိုယ် စီမံခန့်ခွဲနိုင်မည့် နည်းလမ်းများ (Effective Self-Care & Management)
- သွေးချိုတက်ခြင်း၊ ကျခြင်းတို့ကို မှန်ကန်စွာ ကိုင်တွယ်ဖြေရှင်းနည်း။
- ဖျားနာတဲ့အခါ (Sick day) မှာ လိုက်နာရမဲ့ နေထိုင်စားသောက်မှုပုံစံ။
- သွေးချိုပမာဏကို စနစ်တကျစစ်ဆေးခြင်း၊ အဖြေများကို နားလည်သဘောပေါက်ပြီး မိမိရဲ့စားသောက်မှု၊ လှုပ်ရှားမှုတွေကို ပြန်လည်ချိန်ညှိတတ်စေရန် သင်ကြားပေးခြင်း။
၄။ ကျန်းမာတဲ့ နေထိုင်မှုပုံစံသို့ ပြောင်းလဲခြင်း (Sustainable Lifestyle Changes)
- သွေးချိုထိန်းညှိဖို့အတွက် အရေးပါတဲ့ ကိုယ်လက်လှုပ်ရှားမှု၊ စိတ်ဖိစီးမှုလျှော့ချနည်းနဲ့ ကျန်းမာတဲ့ နေထိုင်စားသောက်မှုပုံစံကို လက်တွေ့ကျင့်သုံးတတ်အောင် လမ်းညွှန်ပေးပါမယ်။
၅။ ကိုယ်ပိုင်မှတ်တမ်းဖြင့် တိုးတက်မှုကို ဆန်းစစ်ခြင်း (Progress Journaling & Review)
- နေ့စဉ်စားသောက်မှု၊ လှုပ်ရှားမှုနဲ့ သွေးအဖြေတွေကို မှတ်တမ်းတင်ပြီး မိမိရဲ့တိုးတက်မှုကို ဆရာဝန်နဲ့အတူ ပြန်လည်သုံးသပ် တိုင်ပင်နိုင်မှာဖြစ်ပါတယ်။
၆။ ပိုမိုနားလည် တတ်မြောက်စေရန်အတွက် သင်ထောက်ကူ အစီအစဉ်များ
- ပိုမိုနားလည် တတ်မြောက်စေရန်အတွက် Quiz မေးခွန်းများ၊ Assignment များ၊ အဖွဲ့လိုက် အပြန်အလှန်ဆွေးနွေးနိုင်သော Case Study များ၊ နားမလည်သော အချက်များနှင့် အရေးကြီးသော ခေါင်းစဉ်များအတွက် အပတ်စဉ် Zoom Tutorial sessions။